Emnet omfattar natur, berekraft, mat, rørsle og helse i vid forstand. Undring og førstehandserfaringar med ulike naturfenomen og mangfaldet i naturen vil vere sentralt, samt barn si livsmeistring og danning. 

Barn er sanselege og kroppslege i sin veremåte, og dette dannar utgangspunkt for utforsking, undring, samtale, utvikling, leik og læring. Sosiale relasjonar mellom barn, og mellom barn og vaksne i barnehagen, heng mellom anna saman med leik, utforsking og rørslemessige erfaringar. 

Ein viktig del av profesjonskompetansen er å forstå barns utvikling og å kunne bruke dette til å inspirere og motivere barn. Emnet skal gjere studenten i stand til å leggje til rette for allsidige naturopplevingar og rørsleleik for barn i ulike miljø. Emnet skal leggje vekt på verdien av å lære om og ferdast i naturen til alle årstider, for at studenten skal bli trygg i naturen, bli ein medveten rollemodell og sjå og meistre dei mogelegheitene som ligg i pedagogisk arbeid utandørs. Emnet vil ivareta korleis ein kan få til gode møter mellom ulike kulturar. Studenten skal kjenne til folkehelseutfordringar og kunne bidra til at barns helse blir godt ivaretatt. Vidare omfattar emnet korleis barn gjennom eksperimentering, undring og leik i ulike miljø kan ta vare på seg sjølv, kvarandre og naturen, slik at dei får eit godt utgangspunkt for å vere bidragsytarar til berekraftig utvikling. Ein viktig del av profesjonskompetansen omfattar å kunne observere, analysere og forstå barns utvikling og kroppslege leikekulturar hos barn, og å bruke dette til å inspirere og motivere barn. 

Undervisinga skal vere forskingsbasert og profesjonsretta der praksis inngår som ein integrert del. Arbeidet med læringsutbytta vil skje gjennom undervisning i både inne- og utemiljø, gjennom teoretiske og praktiske tilnærmingar. Studentaktive læringsformer og naturen som læringsarena vil bli vektlagt. 

Kunnskapsbasen bygger på lærarutdanningsfaga natur, miljø og helse, og fysisk aktivitet og helse. 

Alle emner i bachelorutdanningen skal ha tilknytning til praksis, og denne emneplanen må sees i sammenheng med emneplan for BDPRA103.

Studenten skal ha følgjande læringsutbytte etter gjennomført emne:  

Kunnskap

Studenten: 

• har kunnskap om barns utvikling, leik og læring, og om forskjellige didaktiske tilnærmingar i ulike fysiske miljø og årstider, tilpassa barns alder 

• har kunnskap om korleis barn opplever verda og seg sjølv gjennom kroppsleg aktivitet og sansar 

• har kunnskap om verdien av friluftsliv og naturopplevingar for barn 

• har kunnskap om fysiske fenomen, teknologi, biologisk mangfald, organismar i barn sitt nærmiljø og samanhengane i naturen 

• har kunnskap om berekraftig utvikling og korleis barnehagen kan bidra til auka miljømedvit 

• har kunnskap om menneskekroppen, motorikk, sansar, helse og livsmeistring 

• har kunnskap om mat, kosthald og måltid som pedagogisk ressurs 

• har kunnskap om nasjonale føringar for helsefremjande og førebyggande tiltak og rutinar for tryggleik i barnehagen 

Ferdigheiter 

Studenten: 

• kan leggje til rette for barn si utforsking og eksperimentering i og med naturen, berekraftig utvikling og fysiske fenomen samt undre seg og reflektere over desse temaa saman med barn 

• kan utforske og bruke kvardagsteknologi saman med barn 

• kan leggje til rette for god hygiene, kvile og varierte måltid i barnehagen i samsvar med nasjonale føringar 

• kan skape og leggje til rette for fysisk aktivitet og rørsleleik for barn i ulike fysiske miljø 

• kan vurdere risiko og samstundes leggje til rette for barns risikovurdering og meistring i barnehagekvardagen 

• har byrjande ferdigheiter i observasjon som verktøy for didaktisk tilrettelegging for barn sine leike- og læringsmiljø 

Generell kompetanse 

Studenten: 

• kan sjå og bruke nærmiljøet sine mogelegheiter for naturfagleg utforsking, leik og rørsle 

• er medverkande og inspirerande saman med barn i deira rørsleleik, naturopplevingar og utforsking 

• kan ta omsyn til berekraftig utvikling på ulike måtar i barnehagekvardagen 

• kan drøfte etiske problemstillingar knytt til emnet 

• kan reflektere over og ta omsyn til ulike kulturelle perspektiv i arbeidet med natur, helse, og rørsle 

Sjå avsnittet "Arbeids-, lærings- og vurderingsformer" i studieplanens generelle del. 

Eksamen blir sensurert av ein sensor frå faggruppe for fysisk aktivitet og helse og ein sensor frå faggruppe for natur, miljø og helse.

(B) betyr at arbeidskravet bygger på oppgaver gjennomført i barnehagesamling 

Arbeidskrav som må vera godkjende for å få tilgang til eksamen: 

SEK: ingen 

MUN: N1-NA1, N1-NA2, N1-NA3, N1-FH, N1-TF og OBLTS 

Arbeidskrav som er ekvivalent med tidlegare arbeidskrav (eventuelt deleksamenar): 

N1-NA1 ekvivalent til N1-NA3 (BHNHB1033), N-NA1 (BDNHB2030) og N-NA5 (BDNHB2030), N-NA1 (BLNHB1020), N1-NA1 (BNNHB1033) 

N1-FH ekvivalent til N1-FH1 (BHNHB1033), N-TF1 (BDNHB2030) 

N1-NA2 ekvivalent til  N1-NA5 (BHNHB1033), N1-NA1 (BKNHB1033)  B2-NA1 (BDBUL1002), N-NA2 (BLNHB1020), N2-NA1 (BMNHB2033) 

N1-NA3 ekvivalent til N1-NA4 (BHNHB1033), N1-NA2 (BNNHB1033) 

N1-TF1 ekvivalent til N1-TF1 (BHNHB1033), N-TF2 (BDNHB2030), N2-TF4 (BNNHB2033), N1-TF1 (BKNHB1033), N-TF1 (BLNHB1020), N2-TF1 (BMNHB2033)