Emnet omfattar natur, berekraft, mat, rørsle og helse i vid forstand. Undring og førstehandserfaringar med ulike naturfenomen og mangfaldet i naturen vil vere sentralt, samt barn si livsmeistring og danning.

Barn er sanselege og kroppslege i sin veremåte, og dette dannar utgangspunkt for utforsking, undring, samtale, utvikling, leik og læring. Sosiale relasjonar mellom barn, og mellom barn og vaksne i barnehagen, heng mellom anna saman med leik, utforsking og rørslemessige erfaringar.

Ein viktig del av profesjonskompetansen er å forstå barns utvikling og å kunne bruke dette til å inspirere og motivere barn. Emnet skal gjere studenten i stand til å legge til rette for allsidige naturopplevingar, rørsleleik og kunst-og handverksskapande aktivitet  for barn i ulike miljø. Emnet skal vektlegge verdien av å lære om og ferdes i naturen til alle årstider for at studenten skal bli trygg i naturen, bli medvetne rollemodellar og sjå og meistre dei moglegheitene som ligg i pedagogisk arbeid utandørs. Emnet vil ivareta korleis ein kan få til gode møter mellom ulike kulturar.

Studenten skal kjenne til folkehelseutfordringar og kunne bidra til at barns helse blir godt ivaretatt. Vidare omfattar emnet korleis barn gjennom eksperimentering, undring og leik i ulike miljø kan ta vare på seg sjølve, kvarandre og naturen, slik at dei får eit godt utgangspunkt for å vere bidragsytarar til berekraftig utvikling. Ein viktig del av profesjonskompetansen omfattar å kunne observere, analysere og forstå barns utvikling og kroppslege leikekulturar hos barn, og å bruke dette til å inspirere og motivere barn.

Undervisninga skal vere forskingsbasert og profesjonsretta der praksis inngår som ein integrert del. Arbeidet med læringsutbytta vil skje gjennom undervisning i både inne- og utemiljø, gjennom teoretiske og praktiske tilnærmingar. Studentaktive læringsformer og naturen som læringsarena vil bli vektlagt.

Kunnskapsbasen bygger på lærarutdanningsfaga naturfag, fysisk fostring og kunst & handverk.

Studenten skal ha følgende læringsutbytte etter gjennomført emne.

Kunnskap

Studenten:

• har kunnskap om barns utvikling, leik og læring, og om forskjellige didaktiske tilnærmingar i ulike fysiske miljø og årstider, tilpassa barns alder
• har kunnskap om korleis barn opplever verda og seg sjølv gjennom kroppsleg aktivitet og sansar
• har kunnskap om verdien av friluftsliv og naturopplevingar for barn 
• har kunnskap om utemiljøet sine moglegheiter for kunst- og håndverksfaglig aktivitet
• har kunnskap om fysiske fenomen, teknologi, biologisk mangfald, organismar i barn sitt nærmiljø og samanhengane i naturen
• har kunnskap om berekraftig utvikling og korleis barnehagen kan bidra til auka miljømedvit
• har kunnskap om menneskekroppen, motorikk, sansar, helse og livsmestring
• har kunnskap om mat, kosthald og måltid som pedagogisk ressurs
• har kunnskap om nasjonale føringar for helsefremjande og førebyggande tiltak og rutinar for tryggleik i barnehagen

Ferdigheiter

Studenten:

• kan leggje til rette for barn si utforsking og eksperimentering i og med naturen, berekraftig utvikling og fysiske fenomen, samt undre seg og reflektere over desse tema saman med barn, til ulike årstider
• kan utforske og bruke kvardagsteknologi saman med barn
• kan leggje til rette for god hygiene, kvile og varierte måltid i barnehagen
• kan skape og tilrettelegge for barns fysisk aktivitet og rørsleleik i ulike fysiske miljø
• kan vurdere risiko og samstundes leggje til rette for barns risikovurdering og meistring i barnehagekvardagen
• har byrjande ferdigheiter i observasjon som verkty for didaktisk tilrettelegging for barns leike- og læringsmiljø

Generell kompetanse

Studenten:

• kan sjå og bruke nærmiljøet sine mogelegheiter for naturfagleg utforsking, skapande aktivitet, leik og rørsle
• er medverkande og inspirerande saman med barn i deira rørsleleik, naturopplevingar og utforskning
• kan ta hensyn til berekraftig utvikling på ulike måtar i barnehagekvardagen 
• kan drøfte etiske problemstillingar knytt til emnet
• kan reflektere over og ta omsyn til ulike kulturelle perspektiv, mellom anna samiske, i arbeidet med natur, helse, og rørsle

Arbeidskrav som må være bestått for å få gå opp til eksamen:

SEK: ingen

HEM: N1-FH1, N1-TF1, N1-NA1 og N1-KH1, OBLTS

(P) betyr at arbeidskravet bygger på oppgaver gjennomført i praksisstudiet.

Arbeidskrav er ekvivalente med tidlegare arbeidskrav på BKNHB1030:

N1-FH1 ekvivalent med N-FH1 

N1-NA1 ekvivalent med N-NA1

N1-KH1 ekvivalent med N-KH1

 Studenten må ha utstyr til aktiviteter ute til alle årstider, inkludert skiutstyr på vinterkurs.